Катонқарағай ауданында өткен “Алтай – түркі әлемінің алтын бесігі” атты халықаралық фестиваль аясында ШҚО ТЖД облыс әкімдігімен бірлесіп жаңа цифрлық жүйені көпшілікке таныстырды, деп хабарлайды F16.kz.
Туристердің қауіпсіздігін қамтамасыз етуге бағытталған жүйе шеңберінде туристік маршруттарда, қонақүйлерде және визит-орталықтарда арнайы QR-кодтар орналастырылған.
Туристер оны сканерлеп, маршрут бағыты, жүру мерзімі және байланыс деректері бойынша онлайн-форманы толтырады. Бұл ақпарат бірден ШҚО ТЖД жедел басқару орталығына түседі. Қажет болған жағдайда құтқарушылар жедел әрекет етіп, көмек көрсете алады. Маршрут аяқталған соң турист жүйеден өздігінен тіркеуден шығады немесе құтқарушылардың бақылау қоңырауын күтуге болады, — деді ШҚО ТЖД баспасөз қызметі.
Жүйе қазақ, орыс, ағылшын және қытай тілдерінде жұмыс істейді.
Фестиваль барысында жүйені алғаш пайдаланған германиялық қонақтар қызмет сапасын аса жоғары бағалады.
