Ресей Федералдық Жиналысы Федерация Кеңесі төрағасының бірінші орынбасары Андрей Яцкин Шығыс Қазақстан облысымен, сондай-ақ жалпы Қазақстанмен екіжақты ынтымақтастықтың дамуын жоғары бағалады, деп хабарлайды F16.kz.
Бұл жөнінде ол жалпы XXVIII Петербург халықаралық экономикалық форумының (ПХЭФ) күн тәртібінде атап өтті.
ШҚО әкімі баспасөз қызметінің хабарлауынша, форум алаңында Андрей Яцкин Тверь облысы үкіметі мен Шығыс Қазақстан облысы әкімдігі арасында сауда-экономикалық, ғылыми-техникалық және әлеуметтік-гуманитарлық салалардағы ынтымақтастықты нығайту жөніндегі меморандумға қол қою салтанатына және келіссөздерге қатысты.
Оның айтуынша, бұл меморандумға қол қою 2025 жылғы сәуірде Тверь қаласында өткен Қазақстан Парламенті Сенаты мен Ресей Федерация Кеңесі арасындағы Ынтымақтастық жөніндегі комиссияның 23-ші отырысында қол жеткізілген келісімдердің нақты нәтижесі.
Тверь облысының губернаторы Игорь Руденяға және Шығыс Қазақстан облысының әкімі Нұрымбет Сақтағановқа екіжақты ынтымақтастықты нығайтуға бағытталған нақты қадамдары үшін алғыс айтамын. Аталған салаларда бірлескен нақты жобалардың жуық арада іске асырылатынына үміттенеміз, – деп атап өтті Андрей Яцкин.
