Өскемендегі Өнер музейінде суретші, педагог және «5 чувств» арт-студиясының негізін қалаушы, Қазақстан Суретшілер одағының мүшесі Ольга Плотникованың жеке көрмесі ашылды. Көрменің атауы – «Жібек пастель, барқыт майлы бояу», деп хабарлайды F16.kz.
Көрме шеңберінде автордың шығармашылық әлемі жан-жақты ашылды: экспозициядан портреттер, пейзаждар, натюрморттар мен қиялға негізделген композициялар орын алған. Суретші әртүрлі материалдармен жұмыс істеген – майлы бояу, акрил және пастель. Бұл тәсіл туындыларға ерекше әсер мен сезім тереңдігін беріп тұр.
Әрбір туындымда өз көңіл-күйім мен ішкі жан дүниемнің көрінісін беруге тырыстым. Картиналарымның әрқайсысы – өзіндік тарихы бар жеке әлем. Портреттен бастап тарихи композицияларға дейін – мен үшін олардың барлығы ерекше мәнге ие. Осындай көрмеге келіп, қолдау білдірген жандарға алғысым шексіз, — деді Ольга Плотникова.
Көрменің ашылу салтанатына өнер саласының өкілдері, музей мен кітапхана қызметкерлері, сондай-ақ қала әкімдігінің өкілдері қатысты. Суретшінің алғашқы ұстазы Николай Аштема да сөз алып, шын жүректен жылы лебізін білдірді.
Сурет өнері – бұл тек бейнелеу емес, жан-дүниемен сырласу. Ақша емес, шабыт маңызды. Шәкіртімнің еңбегінің еленгеніне қатты қуаныштымын. Мұндай көрмелер — нағыз өнердің салтанаты, — деді ол.
Айта кету керек, көрме 28 шілдеге дейін келушілерге ашық.
