І.Есенберлин даңғылы бойындағы машина жасау колледжінің құрлысы аяқсыз қалып, қаңырап тұрғанына көп жыл болған. ШҚО әкімінің бірінші орынбасары Жақсылық Омар ғимарат заманауи мектепке бейімделіп, құрылыс жалғасатынын мәлімдеді, деп хабарлайды F16.kz.
Бүгінде мердігер компания дайындық жұмыстарына кірісіп кеткен.
Облыс әкімі Нұрымбет Аманұлының тапсырмасымен арнайы комиссия құрылып, жағдай жан-жақты қаралды. Қазір инженерлік желілер мен коммуникацияларды жобалау басталды. Ғимараттың шатыры толығымен аяқталды, — деді Жақсылық Омар.
Айта кетейік, 19-шы шағын аудан қазір қарқынды дамып, халық саны күннен күнге артып келеді. Сәйкесінше мектептерге бала сыймай, білім ордасына сұраныс артып отыр.
