Бұқаралық ақпарат құралдары қызметкерлерінің кәсіби мерекесі қарсаңында белгілі журналист, «Egemen Qazaqstan» газетінің Шығыс Қазақстан облысындағы меншікті тілшісі Мерей Қайнарұлы Президент Жарлығымен «Ерен еңбегі үшін» медалімен марапатталды. Мәртебелі награданы облыс әкімі Нұрымбет Сақтағанов табыс етті, деп хабарлайды F16.kz.
Катонқарағай ауданының Шыңғыстай ауылында дүниеге келген Мерей Қайнарұлы 15 жылдан астам уақыттан бері журналистика саласында еңбек етіп келеді. Осы жылдар мұғдарында ол Шығыс Қазақстан облысының «Менің өлкем», «Дидар» қоғамдық- саяси газеттерінде еңбек етті, қазір республикалық «Egemen Qazaqstan» басылымында тілшілік қызметті атқарып жүр.
Сонымен қатар Мерей Қайнарұлы – республикалық «Фотоөнер» қоғамдық бірлестігінің белсенді мүшесі, Қазақстан Жазушылар одағы Шығыс Қазақстан облыстық филиалының төрағасы. Бірнеше әдеби бәйгенің жүлдегері.
