Бүгінде Шығыс Қазақстандағы қылмыстық-атқару жүйесінің алты мекемесінде 2 600-ге жуық адам жазасын өтеп жатыр. Оның ішінде 400-гк жуық адамға рақымшылық жасалуы мүмкін, деп хабарлайды F16.kz.
ШҚО бойынша Қылмыстық-атқару жүйесі департаментінің ресми өкілі Салтанат Ожқанованың сөзінше, алдымен әрбір адамның ісі сотқа жіберіледі. Ал, кімнің бостандыққа шығатынын немесе жазасы жеңілдетілетінін сот шешеді.
Айта кетейік, маусым айының соңында ел Президенті Конституциясының 30 жылдығына орай рақымшылық туралы заңға қол қойды. Оның аясында шамамен 15 мың адамға амнистия жариялануы мүмкін.
Рақымшылық қолдану кезінде ең алдымен адамның жасаған қылмысының ауырлығы, оның мінез-құлқы және әлеуметтік мәртебесі ескеріледі.
