Рахман қайнары шипажайына баратын жолда асфальт төсеу жұмыстары басталды, деп хабарлайды F16.kz.
Айта кету керек, бұрын шипажайға жеңіл көлікпен жету мүмкін болмаған. Жол тастақ, асфальт төселмеген. Сондықтан алыс-жақыннан ағылған туристерді жол талғамайтын көліктермен тасымалдауға тура келетін
Жол учаскесі таулы жермен өтетіндіктен күрделі жөндеуді қажет еткен. Жұмыстар қазір аяқталуға жақын. Жол сапасын арттыру үшін арнайы су бұру арналары, дренаж жүйелері салынып, берік жабын төселді.
Жергілікті билік жол құрылысының сапасы тұрақты бақылауда екенін айтады. Арнайы мамандар тексеріп, сынамалар алып, технологиялардың сақталуын қадағалап отыр. Жөндеу жұмыстарын жыл соңына дейін аяқтау жоспарланған.
