Өскеменде Лихарев көшесіндегі ғимарат өртіне байланысты қылмыстық іс қозғалды, деп хабарлайды F16.kz.
Естеріңізге сала кетейік, 8 шілде күні кешке Лихарев көшесіндегі бір қабатты ғимараттан өрт шықты.
Өрт сөндірушілер 2450 шаршы метр аумақты шарпыған тілсіз жауды ауыздықтады. Нәтижесінде бірнеше ұйым шығынға ұшырап, жұмысқа едәуір кедергі келтірді.
Қазіргі уақытта қылмыстық іс қозғалып, өрттің шығу себептері мен кінәлілерді анықтау бойынша бірқатар сараптамалар тағайындалды, — ШҚО ТЖД баспасөз қызметі.
