BI Group компаниясының қолдауымен Самарда тағы бірқатар жобалар жүзеге асырылмақ, деп хабарлайды F16.kz.
Кәсіпкер, BI Group компаниясының өкілі өзі туып-өскен Құлынжон ауылының көркеюіне, білім саласының дамуына белсене атсалысып келеді. Ол аталған ауылда заманауи мектеп салған. Білім ордасында тек оқу орны ғана емес, балабақша, спорт секциялары, демалыс пен кездесуге арналған арнайы орындар бар. Жыл соңына дейін спорт блогынының да құрылысын аяқтауды жоспарлап отыр.
Қазіргі таңда онда білікті педагогтар жұмыс істеп, шетелдік мамандар да тартылған көрінеді.
Кәсіпкермен кездескен ШҚО әкімі Нұрымбет Сақтағанов мұндай нысандар халықты сақтап қалуға, жас мамандар тартуға негіз бола алтынын атап өтті.
Кәсіпкер Самар ауданында әлі де бірқатар жобаларды жүзеге асырмақ ниетімен бөлісті. Атап айтқанда, оқушыларға арналған жатақхана салып, Бастаушы ауылындағы мектепті қайта жаңғыртуды жоспарлап отырған көрінеді.
Туған жерін ұмытпай, ауыл тұрғындарын жұмыспен қамтып, ірі жобаларды жүзеге асыру арқылы сіздер өңірдің дамуына да өз үлестеріңізді қосып жатырсыздар. Мұндай бастамалар біздің тараптан қолдау табуға тиіс, — деді аймақ басшысы.
