Қазақстанда фискалдық чек бермегені туралы шағымданған азаматтарға сыйақы беру ұсынылды, деп хабарлайды F16.kz.
Қазір кәсіпкерлік субъектілер чек ұсынбаған жағдайда 157 280 теңгеге дейін айыппұл арқалайды. Жаңа заң жобасында бұл заңбұзушылықты хабарлаған адамға да сыйақы беру ұсынылды. Сыйақының мөлшері әзірге белгісіз.
Айта кетейік, фискалдық чек тұтынушының құқығын қорғау үшін ғана берілмейді, ел бюджетіне салықтың дұрыс түсуін де қамтамасыз етеді. Ал, салықтан жалтару — ел экономикасына, қоғамға зиянын келтіретінін естен шығармаған жөн. Себебі ел тұрғындарынһ тарапынан төленген салық есебіне жол, мектеп, аурухана сияқты әлеуметтік қажеттіліктер салынады.
Осы орайда жалған ақпарат беретін азаматтар заң бойынша жауапқа тартылатынын да айта кеткен жөн.
Қазір жоба «Ашық НҚА» порталында көпшіліктің талқысына ұсынылды.
