Бүгінде металлургия — Қазақстан өнеркәсібіндегі жетекші әрі болашағы зор салалардың бірі. Жыл сайын шілденің үшінші жексенбісінде елімізде металл өндірумен айналысатын мамандар өздерінің кәсіби мерекесін атап өтеді. Бұл күн — болат балқытып, құюшылардың, домна пешінің операторлары мен ұсталардың, қалып жасаушы, прокатшы қатарлы басқа да мамандық иелерінің ортақ мейрамы.
Металлургия саласы сондай-ақ осы бағытта ғылыми-зерттеу орталықтарында жұмыс істейтін ғалымдарды, кен өндірушілерді және металлургиялық кәсіпорындарда еңбек ететін барша қызметкерлерді біріктіреді.
Қазақстанда Металлургтер күні 2003 жылы Президент Жарлығымен ресми түрде бекітілді. Тарихи дәстүрге адал Қазақстан халқы бұл кәсіби мерекені атап өту күні ретінде шілденің үшінші жексенбісін таңдады.
