Республика көлемінде «Жер-2025» командалық-штабтық оқу-жаттығуының екінші кезеңі өтіп жатыр. Бүгін зілзала кезінде құтқару құралымдарының практикалық іс-қимылдары пысықталды, деп хабарлайды F16.kz.
Сондай-ақ кеңейтілген жедел штабта қалыптасқан жағдай бойынша топ басшылары баяндама оқыды.
Жоспар бойынша сирена ойнап, дүмпулер тоқтағанда тұрғындар үйден шығып, қалалар мен аудандарда жұмыс істеп тұрған зардап шеккендерді қабылдау пункттеріне келді. Оның мекен жайын орнатылған Qr-кодтар бойынша нақтылауға болады. Қажетті көмекті алғаннан кейін тұрғындар арнайы құрылған шатырға орналастырылды, — деді ШҚО ТЖД баспасөз қызметі.
Айта кетейік, тұрғындарға көмек көрсетуге арналған шатырда медициналық пункт, тамақтану блогы, автокөлік тұрақтары қарастырылған. Тәртіп пен қауіпсіздікті қамтамасыз ету үшін полиция қызметкерлерінің кезекшілігі ұйымдастырылған.
Апаттар медицинасы орталығының мамандары далалық ауруханаға орналастырылды. Ал психологтар халыққа шұғыл көмек көрсетті, — деп хабарлады департаменттің баспасөз қызметі.
Командалық-штабтық оқу-жаттығу нәтижесінде толық талдау жүргізіліп, апаттық-құтқару құралымдарының дайындығына баға берілді. Сондай-ақ әлі де жетірдірілуі керек бағыттар айқындалды.
