Шығыс Қазақстан облыстық «Ассамблея жастары» театры Семейде әлеуметтік-драмалық жанрдағы қойылым қойды, деп хабарлайды F16.kz.
Спектакль жастар арасындағы нашақорлық пен лудомания (ойынқұмарлық) мәселелерін көтеріп, өткір әлеуметтік проблемаларды алға тартты.
Актерлердің шынайы әрі әсерлі ойыны арқылы көрермендер бүгінгі жасөспірімдер мен жастар тап болатын шынайы өмір көріністеріне үңілді. Бұл қойылым тек мәдени шара ғана емес, сонымен қатар қоғамдық диалогқа жол ашатын қуатты құралға айналды.
Спектакль аяқтала салысымен көрермен актерлерге күрделі тақырыптарды шынайы әрі ашық жеткізгені үшін алғыс білдірді.
«Birligimiz jarasqan» жобасы шығармашыл күштерді біріктіріп, қоғам үшін маңызды мәселелерді көтереді.
Театрдың келесі қойылымы Астана қаласында өтеді. Онда да көрермендерді маңызды әлеуметтік тақырыптар мен бүгінгі қоғам мәселелеріне терең үңілу күтіп тұр.
