Шығыс Қазақстан облысында 95 шағын су электрстанциясын салуға мүмкіндік бар. Бұл туралы аймақ басшысы Нұрымбет Сақтағанов «Хабар 24» телеарнасының «Сұхбат» бағдарламасына берген сұхбатында айтты, деп хабарлайды F16.kz.
Еліміздің су ресурстарының 40%-дан астамы Шығыста шоғырланғаны белгілі. Өзендерді зерттей келе жалпы қуаты 2 гигаватқа жуық электр қуатын өндіретін 95 шағын су электростанцияларын салуға мүмкін жерлер анықталған.
Осы жылдың қыркүйек айында Өскемен қаласында өтетін «Altaі-Invest» халықаралық инвестициялық форумы аясында нақты инвесторларды анықтау жоспарланып отыр.
