Биыл Су ресурстары және ирригация министрлігінің Су шаруашылығы комитеті ирригациялық және дренаждық жүйелерді қалпына келтіру жұмыстары аясында 8,47 шақырым канал, 11,2 шақырым коллекторлық-дренаждық жүйе мен 27 ұңғыманы реконструкциядан өткізді, деп хабарлайды F16.kz.
Су ресурстары және ирригация министрлігінің баспасөз қызметі таратқан ақпаратқа сенсек, бұл шаралар нәтижесінде ирригация каналдарындағы су шығынын жылына 250 миллион текше метрге дейін қысқартуға және 95 мың гектар алқапты суармалы сумен қамтамасыз ету жұмыстарын жақсартуға мүмкіндік туды.
– Қазір су шаруашылығы мен ирригациялық жүйелерді дамыту мақсатында 14 ірі жоба іске асырылып жатыр, олар 2026-2027 жылдары аяқталады. Бұдан бөлек, тағы 211 жобаның жобалау-сметалық құжаттары дайындалып жатыр, – деді Су ресурстары және ирригация министрлігінің Су шаруашылығы комитетінің төрағасы Арсен Жақанбаев.
