Биыл Қазақстанда 18 мың кәсіпорынның қатысуымен 130 мың студент дуальды оқыту жүйесімен қамтылады, деп хабарлайды F16.kz.
Оқу-ағарту министрлігінің ақпаратына сенсек, бұл өткен жылғы көрсеткішпен салыстырғанда айтарлықтай көп. 2024 жылы дуальды жүйемен 108 мың студент оқыған болатын.
– Техникалық және кәсіптік білім беру жүйесінде бизнес құрылымдарымен ынтымақтастық кеңеюде. Сондай-ақ ағымдағы жылы шефтік қамқорлық көрсететін кәсіпорындар саны 8 есеге өсіп, 4,1 мыңға жетті, – деп министрліктің баспасөз қызметі.
Айта кетейік, бұған дейін жыл сайын жұмысқа орналасу міндеттемесімен кәсіпорындардың мақсатты тапсырысы бойынша 10 мың студент қабылданып келсе, биыл бұл көрсеткіш 13 мыңға жеткен.
