Облыс орталығындағы білім беру мекемелеріне және ондағы асхана мен кітапханаға жаңа аппараттық-бағдарламалық кешен орнатылады, деп хабарлайды F16.kz.
Жаңа кешен бет әлпетті, алақанды сканерлеу арқылы немесе картамен жұмыс істейді. Яғни, алдымен ата-анадан рұқсат алынады. Егер олар биометриялық деректерге, яғни бет-жүзін, алақанын сканерлеуге қарсы болса, мектепке де, тамаққа төлем жасауға да арнайы карта қолдана алады.
Айта кету керек, жаңа жүйе саусақ іздері арқылы жұмыс істемейді. Сондықтан кейбір мектептердегі саусақ ізімен жұмыс істейтін турикеттер алынып тасталады.
Аппараттық-бағдарламалық кешенді орнату Президенттің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру бойынша Жол картасы аясында жүзеге асырылып жатыр, — деп атап өтті облыстық білім басқармасының өкілдері.
Жаңа жүйені Өскемендегі 50 білім ордасына орнату жоспарланып отыр.
