«Халық қатысатын бюджет» жобасы аясында биыл бірнеше аула аумақтарын абаттандыру жоспарланып отыр, деп хабарлайды F16.kz.
Абаттандырылатын аулалар тізімі төмендегідей:
• Виноградов көшесі, 12, 12/1, 16;
• Крылова көшесі, 68;
• Е. П. Славский атындағы жағалау, 20, 48;
• Сәтбаев даңғылы, 15.
Сонымен қатар, Абай даңғылы, 18/2, Есенберлин көшесі, 6/1, Сәтбаев даңғылы, 29/1, Әл-Фараби даңғылы, 46, О. Бөкей көшесі (бұрынғы Өтепов), 19 мекенжайларында балалар және воркаут алаңдары орнатылады
Футбол алаңы Әл-Фараби даңғылы, 40 және Қабанбай батыр көшесі, 91 мекенжайында салынады.
Қалалық әкімдіктің баспасөз қызметі таратқан мәліметке сүйенсек, былтыр «Халық қатысатын бюджет» жобасы аясында барлығы 219 жобалық ұсыныс түскен. Ережелерге сәйкес келген 198 жоба дауыс беруге жіберілді. Нәтижесінде, 72 жоба қажетті дауыс шегін жинады. Оның ішінде сараптамалық кеңес жалпы сомасы шамамен 678 миллион теңгені құрайтын 27 жобаны іске асыруға мақұлдады.
Аталған қаражатқа биыл «Халық қатысатын бюджет» жобасы бойынша бес аула толық абаттандырылып, балалар және воркаут алаңдары, футбол алаңдары орнатылады және жарықтандыру мен тротуарлар жабдықталады.
