Цифрлық даму, инновациялар және аэроғарыш өнеркәсібі министрлігі Қазақстандағы «ақылды» қалалар тізімін жариялады, деп хабарлайды F16.kz.
«Ақылды» қалалары тізімінде Астана, Алматы және Қарағанды қалалары көш бастаған. Ал Өскемен қаласы үздік бестікті түйіндейді.
Айта кету керек, рейтинг барысында төмендегі көрсеткіштер назарға алынған:
электронды күнделік жүйесі,
дәрігерге онлайн жазылу,
автобустардың нақты уақыттағы қозғалысын бақылау,
109 байланыс орталығы,
бейнебақылау камераларының саны.
Бұдан бөлек, кейбір өңірлерде медициналық суреттерді жасанды интеллект көмегімен талдау жүйесі енгізілген. Бұл технология онкологиялық ауруларды ерте анықтауға көмектеседі. Сонымен қатар Алматы мен Қарағандыда жол жағдайын бақылау үшін де ЖИ қолданыла бастады, ол деректерді жинап, цифрлық карталар құрастырады.
«Ақылды қалалар» рейтингі:
Астана
Алматы
Қарағанды
Қостанай
Өскемен
Орал
Қызылорда
Павлодар
Талдықорған
Шымкент
Петропавл
Түркістан
Атырау
Қонаев
Ақтөбе
Көкшетау
Тараз
Семей
Жезқазған
Ақтау
Еске сала кетейік, бұған дейін осындай рейтинг 2020 жылы жасалған.
