ШҚО әкімі Нұрымбет Сақтағанов MIGLIOR компаниясының басшылығымен кездесіп, бірқатар жаңа жобаларды талқылады, деп хабарлайды F16.kz.
Бүгінде облыс аумағында MIGLIOR минералды суын өндіретін зауыт жұмыс істейді. Компания басшылығы кездесу барысында алдағы уақытта жүзеге асыратын инвестициялық бастамаларымен бөлісті.
Су электр станциясы мен жоғары қоспаланған болат өндіретін зауыт салуды жоспарлап отырмыз. Бұл жобалар аймақтың өндірістік әлеуетін арттырып, экспорт көлемін ұлғайтуға және металлургия саласына заманауи технологияларды енгізуге сеп болады, — деді компания өкілдері.
Өңір басшысы жаңа өндірістің іске қосылуы жұмыс орындарын ашуға және облыс экономикасын дамытуға серпін беретінін атап өтті.
Айта кету керек, MIGLIOR бренді кезінде Дінмұхамед Қонаевтың бастамасымен ашылған артезиан бұлағының атауын иеленген. Бүгінде бөтелкедегі суды шығаратын зауыт осы кәусәр бұлақтың дәл іргесінде орып тепкен.
