«Қазгидромет» РМК бүгін еліміздің жеті қаласында қолайсыз метеорологиялық жағдайлар қалыптасатынын хабарлады.
Синоптиктердің болжамынша, Өскемен, Қарағанды, Жезқазған, Теміртау, Атырау, Ақтөбе және Ақтау қалаларында ауа ластануының артуы ықтимал.
Қолайсыз метеожағдайлар – желдің әлсіздігі, тұман, инверсия сияқты факторлардың әсерінен атмосферада зиянды заттардың жиналуына әкелетін құбылыс. Мұндай кезде ауа сапасы төмендеп, тұрғындардың денсаулығына кері әсер етуі мүмкін.
Мамандардың айтуынша, ластану деңгейі жел, жауын-шашын, ауа температурасы мен ылғалдылыққа тікелей байланысты.
