19 маусым күні Шығыстың бас шаһарында OSKEMEN LIFE жазғы фестивалі өтеді, деп хабарлайды F16.kz.
Қала әкімдігінің мәліметіне сүйенсек, фестиваль сағат 14:00-22:00 аралығында Антон Чехов, Максим Горький көшелерінде және Арбат пен Қасым Қайсенов саябағында өткізіледі.
- Чехов пен С.Нұрмағамбетов көшелерінің қиылысында Oskemen Life аркасы орнатылады. Іс-шара осы жерден басталады.
- Балалар үшін самокат жарысы өтеді. Горький көшесінде арнайы аймақ болады (старт, финиш және спорттық қызық);
- Жергілікті шеберлердің еңбектері мен қолдан жасалған түрлі бұйымдарды және асфальттағы граффити;
- Силомер, турник, кері рөлді велосипед, баспалдақ және дауыс силомерінде өзіңізді сынап көрсеңіз болады;
- Чехов көшесінің бойында тамақтану орындары безендіріледі. Мимдер мен аниматорлар да сол жерде ерекше кеш атмосферасын сыйлайды;
- Чехов көшесінде караоке аймағы ашылады. Ал Арбат маңында Tik Tok аймағы мен фотозонада контент түсіруге болады;
- Арбатта көше әндері, гитаристер және Street Dance Battle жиналған жұртшылыққа көңілді кеш сыйлайды;
- Қасым Қайсенов саябағында йога, зумба, арт және шай терапиясы, сурет салу, кітап пен ойыншық алмасу. Отбасыға, демалысқа және жайлы серуенге арналған аймақ;
- Горький мен Чехов көшелерінің қиылысында басты сахна болады. DJ-батл, музыка және тапсырыс бойынша тректер.
