Ертеңнен бастап Сәтбаев, Есенберлин даңғылдары мен Жібек жолы, Базовая көшелерінің қиылысында айналма жол іске қосылады. Айналмалы қозғалыс енгізілгеннен кейін құрылысшылар болашақ жол айрығының екінші деңгейін ұстап тұратын тіректерді орната бастайды, деп хабарлайды F16.kz.
Айналма жолдағы жолақтар саны – бесеу. Тәртіп сақшылары жүргізушілерден орнатылған жол белгілеріне мұқият болып, ереже сақтау керектігін ескертеді. Шеңбер жолда жүру жылдамдығы сағатына 30 шақырымнан аспауға тиіс. Көлік қозғалысын ыңғайлы ету үшін қосымша оң жақ бұрылыстар жасалған. Таңертең және кешке көлік ағыны көп болған кезде Сәтбаев пен Есенберлин даңғылдарында бағдаршам қосылады.
Полиция қызметкерлері сол жерде бақылау және халыққа түсіндіру жұмыстарын жүргізеді. Тәртіп сақшылары жол ережесі бұзылған жағдайда әзірше айыппұл салынбай, ескерту жасалатыны айтылды.
