Өскеменде тұрмыстық жанжал кезінде әйел адам көз жұмды. Қайғылы жағдай 7 қаңтар күні Астана көшесіндегі көпқабатты үйлердің бірінде болған, деп хабарлайды F16.kz.
Куәгерлердің сөзінше, жанжал барысында ер адам бірге тұратын әйелді пышақтап өлтірген. Күдікті жедел ұсталып, уақытша ұстау изоляторына қамалды.
Аталған дерек бойынша ҚР Қылмыстық кодексінің 99-бабымен («Адам өлтіру» — ред.) сотқа дейінгі тергеп-тексеру басталды. Қазір оқиғаның мән-жайын жан-жақты анықтауға бағытталған тергеу амалдары жүргізіліп жатыр, — делінген ШҚО ПД баспасөз қызметінің хабарламасында.
ҚР Қылмыстық-процессуалдық кодексінің 201-бабына сәйкес, тергеу мүддесіне байланысты өзге мәліметтер жария етілмейді.
