Кеше Шығыстағы республикалық және облыстық маңызы бар бірқатар жол учаскелеріне қар түсіп, қысқы дөңгелекке ауыспаған көліктерге шектеу енгізілді, деп хабарлайды F16.kz.
«ҚазАвтоЖол» мамандары тұрғындардың қауіпсіздігі үшін түнде қар тазалау және көктайғақтың алдын алу жұмыстарына кіріскен. Қазіргі уақытта жолдардағы шектеу алынып тасталды.
Десе де, мамандар көлік тізгініндегілерге қысқы дөңгелекке қазірден бастап ауысуға кеңес береді.
Ауа райының қолайсыздығы мен қар түсуіне байланысты өңір тұрғындары мен қонақтарынан жолға шығар алдында жолдың жағдайын бақылап, алдын ала жоспарлауды сұраймыз. Аса мұқият болып, жылдамдық режимі мен арақашықтықты сақтау керек. Мүмкіндігінше қысқы дөңгелекке қазірден бастап ауысқан жөн, — деді компания мамандары.
