19 қаңтар күні, яғни бүгін сағат 20:00-ден 20 қаңтар сағат 20:00-ге дейін Өскеменде екінші дәрежелі қолайсыз метеорологиялық жағдай жарияланды, деп хабарлайды F16.kz.
Қолайсыз метеорологиялық жағдайлар – атмосферадағы ластаушы заттардың жиналуына әкелетін табиғи құбылыстардың бірі. Яғни, күн күрт суытып, тұман түсіп, жел болмаған кезде, өнеркәсіп кәсіпорындарынан, энергия өндіру орталықтарынан, көліктер мен от жағатын жер үйлердің мұржасынан шыққан түтін мен зиянды газ ауаға тарамай шөгіп жатады. Мұндай кезде тұрғындар, әсіресе тыныс алу жолдары ауруына бейім жандар далада ұзақ болмағаны абзал.
