Келер жылдың қаңтар айынан бастап Бірыңғай медициналық көмек пакеті кезең-кезеңімен енгізіледі. Соған сәйкес міндетті әлеуметтік міндетті әлеуметтік медициналық сақтандыруы бар-жоғаны қарамастан барлық азамат скринингтен тегін өте алады, деп хабарлайды F16.kz.
Денсаулық сақтау министрлігінің мәліметінше, Бірыңғай медииналық көмек пакетіне мыналар кіреді:
- Тегін медициналық көмектің кепілдік берілген көлемі (ТМККК) мен міндетті әлеуметтік медициналық сақтандыру (ОСМС) арасындағы қызметтерді нақты ажырату және қайталанатын қызметтерді алып тастау;
- Аурулардың алдын алу шараларының қолжетімділігін арттыру;
- Әлеуметтік маңызы бар ауруларды ерте анықтауға берілетін кепілдіктерді кеңейту;
- Қаржылық ресурстарды қайта бөлу арқылы денсаулық сақтау жүйесінің қаржылық тұрақтылығын қамтамасыз ету;
- Денсаулық сақтаудың толыққанды сақтандыру моделіне кезең-кезеңімен көшу.
Бірыңғай медициналық көмек пакеті аясында онкологиялық ауруларды, артериялық гипертензияны, жүректің ишемиялық ауруын, глаукоманы және қант диабетін ерте анықтауға арналған скринингтер МӘМС-тегі мәртебесіне қарамастан барлық азаматқа қолжетімді болады.
Онкологиялық скринингтердің ТМККК пакеті аясында баршаға қолжетімді болуы қатерлі ісікті ерте кезеңде анықтауға және уақтылы емдеуге мүмкіндік береді. Ал жүрек-қан тамырлары ауруларын, глаукома мен қант диабетін дер кезінде анықтау асқынулардың алдын алуға және мүгедектік деңгейін төмендетуге жағдай жасайды.
