Шығыс Қазақстан облысы полиция департаментінің ұйымдасқан қылмысқа қарсы күрес басқармасының қызметкерлері Бұқтырма су қоймасы жағасында ірі көлемде заңсыз балық аулау дерегінің жолын кесті, деп хабарлайды F16.kz.
Polisia.kz порталының жазуынша, оқиға орнында бес күдікті ұсталып, тәртіп сақшылары қайық, көлік және тіркемелер тәркілеген. Браконьерлер жалпы салмағы 733 келі балықты заңсыз аулаған. Ауланған балық түрлері: сазан, шортан, көксерке, қарабалық және табан. Мамандардың есептеуінше, табиғатқа шамамен 5 миллион теңге шығын келтірілген.
Қазір алдын ала тергеу амалдары жүргізіліп жатыр, оның қорытындысы бойынша тиісті шешім қабылданады.
ШҚО полиция департаменті «Заң және тәртіп» қағидаты бойынша әрекет ете отырып азаматтарды қоршаған ортаны қорғау заңнамасын қатаң сақтауға шақырады және балықты заңсыз аулау қылмыстық жауапкершілікке әкелетінін ескертеді.
