Абай облысының бұрынғы әкімі Нұрлан Ұранхаев Премьер-министрдің кеңесшісі болып тағайындалды. Бұл ақпаратты Үкіметтің баспасөз қызметі растады, — деп хабарлайды F16.kz тілшісі.
Оның жаңа лауазымда өнеркәсіп пен құрылыс саласына жетекшілік ететіні айтылған.
Нұрлан Ұранхаев 1965 жылғы 4 мамырда дүниеге келген. Оның үш жоғары білім бар: инженер-механик, экономист-менеджер және инженер-құрылысшы.
Еңбек жолын 1987 жылы слесарь-монтаждаушы болып бастаған. Кейін Семей қаласындағы «Казпромтехмонтаж» мекемесінде шебер, прораб болып жұмыс істеген. Бұдан соң түрлі компанияларда және мемлекеттік құрылымдарда лауазымды қызметтер атқарған.
2022 жылғы 11 маусым мен 2025 жылғы ақпан аралығында ол Абай облысының әкімі болып қызмет атқарды.
Фото: dialog.egov.kz
