Италияның Милан қаласында өтіп жатқан XXV қысқы Олимпиада ойындары қыза түсті. Бүгін жарыс жолына шорт-трек шеберлері шықты.
Ерлер арасында 500 метрге жүгіру сайысында Абзал Әжғалиев пен Денис Никиша ел намысын қорғады.
Екінші топта жарыс жолына шыққан Абзал соңғы айналымда қарсыластарының қателігін ұтымды пайдаланып, мәре сызығын бірінші болып кесті. Отандасымыздың уақыт көрсеткіші — 40.934 секунд.
Үшінші топта өнер көрсеткен Денис Никиша 40.818 секунд нәтижемен мәреге үшінші болып жетті. Сөйтіп уақыт көрсеткіші бойынша келесі кезеңге жолдама алды.
Абзал Әжғалиев пен Денис Никиша 19 ақпанда өтетін ширек финалда өнер көрсетеді.
