Алтай жоғары колледжінің студенттері көрсетілімдік сот процесіне қатысты, деп хабарлайды F16.kz.
«Әділ сот тәжірибесі» атты көрсетілімдік сот процесі Алтай ауданы прокуратурасының бастамасымен «Заң мен тәртіп» тұжырымдамасын іске асыру және қоғамда заң мен сот алдындағы барша азаматтардың теңдігі туралы түсінікті қалыптастыру мақсатында ұйымдастырылған.
Аталған іс-шара жастар арасында құқыққа қайшы мінез-құлықтың алдын алуға, заңға құрметпен қарауды қалыптастыруға және құқықтық мәдениет деңгейін арттыруға бағытталды, — дейді ұйымдастырушылар.
Көрсетілімдік сот процесі барысында студенттерге нақты мысал арқылы сот ісін қарау тәртібі, соттың және сот процесіне қатысушылардың рөлі және құқық бұзушылық жасағаны үшін жауапкершіліктің бұлтартпастығы түсіндірілді.
