Мемлекет басшысы Қасым-Жомарт Тоқаев Астана халықаралық форумында Қазақстан ядролық сынақтардың зардабын әлі күнге дейін тартып келе жатқанын атап өтті, деп хабарлайды F16.kz.
Бүгінде тоғыз елдің арсеналында жалпы саны 13 мың ядролық оқтұмсық бар. Сарапшылар оны қолдану ықтималдылығы артып келе жатқанын ескертеді. Тіпті, бұған жазатайым қателік, оқыс оқиға немесе эскалация себеп болуы мүмкін. Бір ғана жарылыстың салдары жойқын болмақ. Ғалымдар атом бомбасы түскен жерін күл-талқан етіп қана қоймай, жаһандық ауқымдағы климат апатына әкеп соғуы, егістік атаулыны жойып жіберуі мүмкін екенін айтады. Оның қасіретін біз жақсы білеміз. Жерімізде жасалған 450 ядролық сынақтың зардабымен Қазақстан әлі күнге дейін бетпе-бет келіп отыр, — деді Президент.
Айта кетейік, бүгін елордада Мемлекет басшысы Қасым-Жомарт Тоқаевтың қатысуымен Астана халықаралық форумы өтіп жатыр. Оған Еуропа, Орталық Азия, Таяу Шығыс пен Африка елінен БҰҰ, ААҰ, ХКҰ және ДЗМҰ сияқты жетекші халықаралық ұйымдардың атынан 160-тан астам өкіл шақырылған. Екі күнге жалғасатын форумда қатысушылар мемлекетаралық ынтымақтастық моделін, жаңа жаһандық әріптестік құрудың келешегі мәселелерін талқылайды.
Фото: Аkorda.kz
