Тәртіп сақшылары бір тәулікте жол ережесін бұзудың 500-ден астам дерегі тіркелді, деп хабарлайды F16.kz.
Шығыс Қазақстан облысында «Заң мен тәртіп» қағидатын іске асыру аясында профилактикалық және рейдтік іс-шаралар жүріп жатыр.
Облыстық полиция департаментінің мәліметіне сүйенсек, жол ередесін бұзғандардың басым бөлігі қауіпсіздік белдігін тақпау, көлік құралын басқару кезінде ұялы телефон пайдалану, маневр жасау қағидаларын бұзу, жаяу жүргіншілердің ережелерді сақтамауына байланысты тіркелген.
Сонымен қатар, полиция қызметкерлері масаң күйде көлік басқару, қарсы қозғалыс жолағына шығу, тыйым салынған бағдаршам белгісіне өту, жаяу жүргіншілерге жол бермеу және жолаушыларды тасымалдау қағидаларын бұзу деректерін анықтады, – дейді департаменттік баспасөз қызметі.
Белгіленген талаптарға сәйкес келмейтін көлік құралдарын пайдаланудың жолын кесу және жол қозғалысы қауіпсіздігін қамтамасыз ету мақсатында 50-ге жуық көлікті пайдалануға тыйым салынды, оның ішінде электр самокаттары, мопед және жеңіл автокөліктер бар.
