Англияның Ливерпуль қаласында өткен бокстан әлем чемпионатында жоғары деңгейде өнер көрсеткен Қазақстан ұлттық құрамасы елге оралды, деп хабарлайды F16.kz.
Ерлер құрамасын Астана халықаралық әуежайынан, ал әйелдер құрамасын Алматы әуежайынан жанкүйерлер, спортшылардың ата-аналары, туыстары мен достары қошеметпен қарсы алды.
Айта кетейік, жаһандық додада Қазақстан құрамасы жоғары нәтижеге қол жеткізді. Отандастарымыз 7 алтын, 1 күміс және 2 қола медаль жеңіп алып, жалпыкомандалық есепте көш бастады.
