Әлемде коронавирус инфекциясының жаңа түрі тарала бастады деген хабардан кейін ҚР Денсаулық сақтау министрлігінің Санитарлық-эпидемиологиялық бақылау комитеті еліміздегі жағдай туралы ақпарат берді, деп хабарлайды F16.kz тілшісі Zakon.kz-ке сілтеме жасап.
Бұған дейін Ресейде COVID-19 жаңа типті жұқтыру жағдайлары анықталғаны туралы жазғанбыз.
Қазақстан Республикасында коронавирус инфекциясы бойынша эпидемиологиялық жағдай тұрақты. Комитет елдегі аурушаңдық деңгейіне және әлемдегі эпидемиологиялық жағдайға апта сайын мониторинг жүргізіп отыр. Жыл басынан бері COVID-19 жұқтырған 362 жағдай тіркелді, былтырғы сәйкес кезеңімен салыстырғанда аурушаңдық 3,4 есеге азайған, өлімге әкеп соқтырған жағдай тіркелген жоқ. Ауру жеңіл, емделушілер амбулаторлық негізде ем қабылдайды, – деп хабарлайды Санитарлық-эпидемиологиялық бақылау комитеті.
Фото: pixabay.com
