Өзгенің өмірін құтқарамын деп өз өмірін құрбан еткен Нұрахмет Қымбаттың отбасына ҚР ТЖ Министрінің бұйрығымен «Төтенше жағдайдағы ерлігі үшін» медалі табысталды, деп хабарлайды F16.kz.
Марқұмның отбасына марапатты ШҚО ТЖД бастығының орынбасары Амангелді Еңсегенов табыс етті.
Нұрахмет Қымбат 2025 жылдың 21 маусымында Марқакөл ауданы Ертіс өзенінің маңында суға батып бара жатқан екі адамды байқап, абдырап қалмай, бірден көмектесуге асыққан. Өкінішке қарай күшті ағысқа төтеп бере алмай өзі де суға бата бастаған, алайда оған ешкім көмектесе алмады.
Батырдың отбасына төтенше жағдайда көрсетілген батылдық пен жанқиярлығы үшін медаль табысталды, — дейді ШҚО ТЖД баспасөз қызметі.
