Биыл Өскеменнің бірнеше ауданында мұз айдыны жасалды. Енді оқушылар қысқы демалыста сырғанақ теуіп, уақытын тиімді әрі пайдалы өткізе алады, деп хабарлайды F16.kz.
Бүгінде қаладағы кейбір мұз айдындары жабдықталып жатса, кейбірінде адамдар сырғанақ тебуді бастап кеткен.
«Алтай» стадионы – мұз құйылып, арена техникалық режимде жұмыс істеп тұр. Сонымен қатар бұл жерде қардан жасалған үлкен сырғанақ та бар.
Комендантка және Комсомол аралы – мұз айдындары да қазір жұмыс істеп тұр. Жанында конькиді жалға алу пункттері ашылған.
Самал саябағы – қазір мұнда мұз қатыру жұмысы жүргізіліп жатыр, оның ашылуы ауа райына байланысты болып тұр. Бұл жерде де қардан үйіп жасаған үлкен сырғанақ бар.
Амфитеатр – биыл ашылған жаңа мұз арена. Қазір мұнда су құйып, мұз қатыру жұмысы қолға алынған. Әзірге күн жылы болғандықтан мұз толық қатқан жоқ.
