Шығыс Қазақстан облысында полицейлер есірткі заттарын таратумен айналысқан азаматты қолға түсірді. Бұл туралы F16.kz порталы Polisia.kz-ке сілтеме жасап хабарлайды.
Полицияның мәліметінше, «Дәрмек» жедел-профилактикалық іс-шарасы аясында ШҚО Полиция департаментінің есірткі қылмысына қарсы іс-қимыл басқармасының қызметкерлері 32 жастағы ер адамды ұстаған. Ол психотропты заттарды заңсыз таратты деген күдікке ілінген.
Санкцияланған тінту барысында күдіктіден өсімдік тектес зат салынған екі полимерлі пакет тәркіленді.
Сонымен қатар тексеру кезінде көліктен ерекше иісі бар зат салынған алты полимерлі пакет пен бір түйіншек табылған.
Сараптама қорытындысына сәйкес, тәркіленген заттың жалпы салмағы 501 грамм кептірілген марихуана екені анықталды. Қазір күдікті уақытша ұстау изоляторына қамалды, тергеу амалдары жүргізіліп жатыр.
