Қазақстан мұсылмандары діни басқармасы халыққа діни мәселелер бойынша ресми әрі сенімді ақпарат беру үшін жаңа байланыс арнасын іске қосты. Енді азаматтар 1511 қысқа нөмірі арқылы тегін кеңес ала алады, деп хабарлайды F16.kz.
ҚМДБ баспасөз қызметінің мәліметінше, Call-орталық мамандары діни бағыттағы сауалдарға жедел жауап беруге дайын. Аталған нөмір арқылы Kcell, Activ, Beeline және «Қазақтелеком» байланыс операторларының абоненттері ешқандай төлемсіз хабарласа алады.
Ал Tele2 және Altel желілерін пайдаланатын тұрғындарға +7 707 233 30 30 қосымша телефон нөмірі ұсынылған.
Бұл бастама қоғамды дін саласындағы нақты әрі тексерілген ақпаратпен қамтамасыз етуге бағытталған. Діни басқарма халықпен кері байланысты күшейтетін сервистерді дамыту жұмыстары алдағы уақытта да жалғасатынын айтты.
