Елімізде алдын алу шаралары қолға алынғанымен, интернет-алаяқтарға тоқтау болмай тұр. Қарапайым адамның жеке деректеріне қол жеткізу үшін құйтырқы әрекеттері күн сайын сан өзгереді. Бас прокуратура киберқылмысшылардың жаңа схемасы туралы шұғыл мәлімдеме жасады, деп хабарлайды F16.kz.
Егер бұрын шабуылдаушылар «Қазатомөнеркәсіптің» фишингтік сайттарын пайдаланса, бүгінгі таңда екінші деңгейлі банктердің, ірі құрылыс фирмаларының жалған инвестициялық платформаларын жасап, deepfake технологиясының көмегімен танымал тұлғалардың суретін, бейнесін немесе дауысын пайдаланып, азаматтардың ақшасын иелену үшін алаяқтық платформаларды ілгерілетуде.
Сонымен қатар, әлеуметтік желілерде адал емес брокерлерден зардап шеккендерге ақша қаражатын қайтару бойынша қызметтер белсенді түрде жарнамаланып жатыр. Алайда, бұл инвестиция салу нәтижесінде қаражатынан айырылған азаматтарға бағытталған қайталама алаяқтық схема, — дейді Бас прокуратура өкілдері.
Сондай-ақ жауапты орган ақша қаражатын сақтау үшін сақтық шараларын ұстану керектігін ескертеді:
— күмәнді сілтемелер бойынша өтпеу;
— дербес және банктік деректерді үшінші тұлғаларға бермеу;
— әлеуметтік желілер, мессенджерлер және жарнамалар арқылы таратылатын инвестициялық ұсыныстар туралы ақпаратты, әсіресе жоғары әрі кепілдендірілген табыс уәде етілген жағдайларда, мұқият тексеру;
— алаяқтық белгілері анықталған жағдайда құқық қорғау органдарына дереу хабарласу және банкті хабардар ету ұсынылады.
