Бүгін, 9 желтоқсанда елорда төріндегі «Астана-Арена» стадионында Чемпиондар лигасының жалпы кезеңінің алтыншы туры аясында алматылық «Қайрат» пен грекиялық «Олимпиакос» командалары ойнайды. Матч жергілікті уақытпен 20.30-да басталады, деп хабарлайды F16.kz.
Бұл кездесуді жанкүйерлер тікелей эфирде Qazaqstan телеарнасынан тамашалай алады. Ойынға бас төреші болып испаниялық маман Хуан Мартинес тағайындалды.
Айта кетейік, қазір «Қайраттың» қоржынында бір ұпай бар, ал қонақтарда – екі ұпай.
«Қайрат» турнирдің негізгі кезеңінде кипрлік «Пафоспен» тең ойнаса, португалиялық «Спортингтен» – 1:4, испаниялық «Реалдан» – 0:5, италиялық «Интерден» – 1:2, даниялық «Копенгагеннен» 2:3 есебімен жеңілді.
Турнир кестесінде алматылық клуб 35-орында тұр, ал «Олимпиакос» 33-ші сатыда орналасқан.
Айта кетейік, бүгінгі матчта «Қайраттың» талантты жас ойыншысы Дастан Сәтпаев алаңға шықпайды.
