Мемлекет басшысының тапсырмасын орындау үшін Ұлттық қауіпсіздік комитеті қару мен оқ-дәрілердің заңсыз айналымына қарсы іс-қимыл бойынша жүйелі шаралар қабылдауда, деп хабарлайды F16.kz.
Тамыздан бастап полиция органдарымен бірлесіп,прокуратураның үйлестіруімен Астана, Шымкент қалаларында, Атырау, Жамбыл, Қарағанды, Павлодар, Солтүстік Қазақстан және Ұлытау облыстарында заңсыз айналымдағы, оның ішінде «қаңтар оқиғалары» кезінде ұрланған қаруды іздеу және алып қою бойынша бірқатар жедел-іздестіру іс-шаралары жүріп жатыр, — дейді Ұлттық қауіпсіздік комитетінің баспасөз қызметі.
Нәтижесінде, 12 Калашников автоматы, 6 тапанша, 15 мылтық, 3 граната және 500 бірліктен астам оқ-дәрі табылған.
Көрсетілген фактілер бойынша жедел-тергеу іс-шаралары жүргізіліп жатыр.
Бұл бағыттағы жұмыстар әлі де жалғасады.
