Республика күніне орай өткізілген Қаржылық қауіпсіздік диктантының (FinIQ) қорытындысы шығарылып, үздіктер марапатталды, деп хабарлайды F16.kz.
Естеріңізде болса, еліміздің Қаржылық мониторинг агенттігі биылғы 10-20 қазан аралығында республикалық Қаржылық қауіпсіздік диктантын (FinIQ) ұйымдастырған. Ондағы мақсат – ел азаматтарының қаржылық қауіпсіздік дағдыларын қалыптастыру.
Шығыс Қазақстан облысы бойынша экономикалық тергеп-тексеру департаменті диктанттың қорытындысын шығарып, жеңімпаздарды марапаттады.
Іс-шараға облыстың 153 мыңнан астам тұрғыны қатысып, сертификаттар мен дипломдарға ие болды. Бұл көрсеткіш диктантқа адамдар тарапынан жоғары қызығушылық болғанын көрсетеді.
Қазақстанның әр өңірінен алғашқы он жеңімпаз дипломдарға және естелік сыйлықтарға ие болды.
Шығыс Қазақстан облысы бойынша диктант жеңімпаздары:
Нұрасыл Қарыбай – №49 мектеп оқушысы;
Артем Максимов – №2 мектеп оқушысы;
София Ильина – №19 мектеп оқушысы;
Иван Втюрин – №11 мектеп оқушысы;
Анастасия Цыбульская – №17 мектеп оқушысы;
Мерей Әшімжан – С.Аманжолов атындағы ШҚУ студенті;
Нұрсат Кенжеәлі – Д.Серікбаев атындағы ШҚТУ студенті;
Татьяна Кумыкова – еңбек ардагері;
Серік Шигиров – нотариус;
Асем Бердіғожина – «Банк ЦентрКредит» АҚ филиалының қызметкері.
Жеңімпаздар іс-шараның демеушісі «Қазақстан халық банкі» АҚ тарапынан естелік сыйлықтармен марапатталды.
