Шығыс Қазақстан облысының Катонқарағай ауданында ерекше экологиялық акция өтті, деп хабарлайды F16.kz.
Игілікті іске мұрындық болған ұйымдастырушылар өңір тұрғындарына және труистерге Катонқарағай ұлттық паркінің таңғажайып экожүйесін аялап, сақтау әр адамның азаматтық парызы екенін еске салды.
Біз шетелден келетін қонақтарға жартастағы жазулар қайдан пайда болғанын түсіндіруден шаршадық. Кейін бұл мәселені қалай шешуге болатынын интернеттен көріп алдық. Содан кейін жазуларды өшірудің табиғатқа ең зиянсыз тәсілін таңдадық. Бояудың беткі қабатын өшіруге шешім қабылдадық. Әрине, толық кетіру мүмкін емес. Беткі қабатын алсақ, ары қарай уақыт өте жауын мен желден өзі де өшеді. Тазалағышы бар арнайы аппарат, басқа да қажетті құрал-саймандарды сатып алып, іске кірістік. Нәтижесінде 72 жазуды өшірдік, – деді экоакцияның бастамашысы Вячеслав Орлов.
