Қазақстан кубогының ширек финалдық кездесулері аяқталып, жартылай финалға жолдама алған төрт команда белгілі болды, деп хабарлайды F16.kz.
Тартысты өткен матчта «Ақтөбе» күтпеген жерден өскемендік «Алтай» футбол клубына есе жіберді.
Қос команда да барын салып, негізгі уақыт 1:1 есебімен аяқталған. Пенальти сериясында өскемендік клуб 4:3 есебімен жеңіске жетті. «Алтай» қақпашысы Әбілхайыр Алиакбар серия барысында екі пенальтиді қайтарды.
Айта кетейік, жартылай финал екі матчтан тұрады (үйде және қонақта).
Естеріңізге сала кетейік, 10 мамыр күні 13 жылдық үзілістен кейін «Алтай» футбол клубы Қазақстан Премьер-лигасында алғашқы ойынын өткізді. «Алтай» мен шымкенттік «Ордабасы» командалары арасындағы матч Өскемендегі жаңартылған «Восток» стадионында өтіп, 0:0 есебімен аяқталды.
