Елімізде банктерге несиесін қайтара алмай жүрген адамдар саны күрт көбейді, деп хабарлайды F16.kz.
Қаржы нарығын реттеу және дамыту агенттігінің төрағасы Мәдина Әбілқасымованың айтуынша, тек банктерге 500 мыңға жуық қазақстандық қарызын төлей алмай жүр. Одан бөлек микрокредиттік ұйымдар алдында берешегі бар 350 мың борышкер анықталған. Агенттік төрағасы кейбір қарыз алушыларға жеңілдік қарастырылғанын атап өтті.
Неге жаңа ережелерді қабылдадық? Өйткені бізде белгілі бір санаттағы азаматтар бар. Олар проблемалық қарызға батқан. Соларға қаржы ұйымдары қарыз берерде немесе негізгі қарызды азайтып, немесе пайыздық мөлшерлемесін төмендетіп көмектесіп жатыр, – деді Әбілқасымова.
Несие жүктемесін көтере алмай жүргендердің саны жылдан-жылға артып келе жатқаны мамандардың алаңдаушылығын туғызып отыр.
