Өңірде жыл басынан бері 250-ден астам азамат өзіне тиесілі Қазақстан Республикасының төлқұжатын жоғалтып алған. Бұл негізінен бұрын басқа елдің азаматтығын алған, бірақ Қазақстан заңдарын орындамаған адамдарға қатысты болып отыр, деп хабарлайды F16.kz.
Шығыс Қазақстан облысының полиция департаменті көші-қон қызметінің мәліметінше, қос азаматтық фактілерін анықтау мен болдырмау үшін жүйелі жұмыс жүргізіп келеді. Жүргізілген тексерулер нәтижесінде 17 адам әкімшілік жауапкершілікке тартылды, ал жалпы айыппұл көлемі 7 миллион теңгеден асты. Мысалы, облыс орталығының 43 жастағы тұрғыны биыл ақпанда көрші елдің азаматтығын алған, бірақ ол туралы заңда көрсетілген мерзімде уәкілетті органдарға хабарламаған. Заңға сәйкес оның Қазақстан азаматтығы тоқтатылып, құжаттары қайтарылды.
Көші-қон қызметі азаматтарды заң талаптарын қатаң сақтау керектігін еске салады. Қазақстан Конституциясында қос азаматтыққа тыйым салынған.
