Елімізде жалпы қуаты 1000 МВт-тан асатын бес гидроэлектр стансасын стратегиялық су шаруашылығы және гидротехникалық құрылыстар тізіміне енгізу жоспарланған. Бұл туралы Үкімет отырысында су ресурстары және ирригация министрі Нұржан Нұржігітов мәлімдеді, деп хабарлайды F16.kz.
Министрдің айтуынша, қазір Шығыс Қазақстан және Жетісу облыстарындағы Кіші Оба, Қалжыр, Көксу, Тентек және Лепсі өзендерінде орналасатын ГЭС жобаларын стратегиялық нысандар қатарына қосу жөнінде Үкімет қаулысының жобасы әзірленген.
Сонымен қатар, Өгем өзенінде құны 191,7 млрд теңге болатын ірі гидроэнергетикалық жоба жүзеге асырылып жатыр. Бұл бастамалар еліміздің гидроэнергетикалық әлеуетін арттыруға және жаңартылатын энергия көздерін дамытуға бағытталған.
«Қазсушар» мемлекеттік кәсіпорны республикалық меншіктегі гидротехникалық құрылыстарда шағын гидроэлектр стансаларының санын арттыру бойынша жұмыс жүргізіліп жатыр. Бүгінде шағын гидроэнергетиканы орналастыру әлеуеті 20 МВт болатын 29 гидротехникалық құрылыс іріктелген, — деп атап өтті министр.
Аталған жобалар су ресурстарын тиімді пайдалану мен энергетикалық қауіпсіздікті қамтамасыз етуде маңызды рөл атқарады.
