Күршім ауданының халқымен кездесуде Шығыс Қазақстан облысының әкімі Нұрымбет Сақтағанов аудан басшыларымен жасалған меморандумдарда белгіленген негізгі тиімділік көрсеткіштерін (KPI) орындаудың және инвестиция тартудың маңыздылығын атап өтті, деп хабарлайды F16.kz.
Бүгінде әрбір аудан әкіміне инвестор тарту бойынша нақты KPI жүктелген. Бұл жай ғана ресми талап емес, өңір экономикасын дамыту мен халықтың өмір сүру сапасын арттыруға бағытталған нақты құрал, – деді Нұрымбет Сақтағанов.
Аумақты дамытудың бес жылдық жоспары аясында ауқымды қаржыландыру көзделген. 2029 жылға дейін Күршім ауданына 28,3 млрд теңге бюджет қаржысы және 19,1 млрд теңге жеке инвестиция тарту жоспарланған. Өңірлік жобалық кеңсе ауылдық округтердің барлығы үшін жол карталарын бекітті, олардың жалпы қаржыландыру көлемі облыс бойынша 2,8 трлн теңге көлемінде.
Облыс әкімінің айтуынша, жеке инвестициялар өз нәтижесін бере басталы. Былтыр Маралды ауылында құны 6,7 млрд теңге болатын «ВСАМ Продакшн» ЖШС-нің алтын өндіру зауыты іске қосылды. Кұйған ауылында қонақүйлер, дүкендер және монша кешені салынды. Биыл бұл ауылда және басқа елді мекендерде жаңа демалыс үйлері мен туристік нысандар ашылады
