Алдағы мамыр айында қазақстандықтар сенбі, жексенбіден бөлек қосымша бірнеше күн демалады. Күнтізбеге сәйкес, демалыс күндерінің саны жұмыс аптасының түріне байланысты өзгереді, деп хабарлайды F16.kz.
Аптасына бес күн жұмыс істейтіндер мамырда барлығы 14 күн демалады. Ал аптасына алты күн еңбек ететіндерге 9 күн демалыс белгіленген.
Айдың негізгі мерекелік демалыстары бірнеше күнге бөлінген. Атап айтқанда, Қазақстан халқының бірлігі күні құрметіне 1-3 мамыр аралығы демалыс болады. Сонымен қатар 7 мамыр – Отан қорғаушылар күні де демалыс ретінде белгіленген.
Жеңіс күніне орай қазақстандықтар 9-11 мамыр аралығында қатарынан үш күн демалады. Бұл ретте демалыс күндерінің бірі ауыстыру есебінен беріліп отыр. Ал ай соңында, 27 мамыр Құрбан айт мерекесіне байланысты қосымша демалыс қарастырылған.
